新南苑雞煲小菜點心 (已結業)

鸡煲，小菜，点心，一次过满足几个愿望！睇餐牌仲有铁板，酸菜鱼同水煮鱼等，选择几多元化，而且价钱平民化，至于食物质素，我觉得都几好，性价比高。见到好多枱食客都叫鸡煲，可惜我得两个人食，所以今次无试招牌鸡煲。见有得饮夜茶就叫左笼金箔虾饺皇 $30同#樱花虾烧卖 $26，每笼三粒，金箔虾饺好睇又好食，皮薄馅靓；烧卖几大粒，系猪肉同虾肉馅，面层樱花虾蒸熟左好似虾米咁，少少脆口。之后叫左碟腐乳通菜炒牛肉 $68，份量好足料，牛肉大块又好腍，搭腐乳味又Match㖞，𩠌饭一流。脆米咸柠檬海鲜炒饭 $68 呢个配搭好新颖，将咸柠檬加上虾仁，带子粒，菜头等炒饭，味道与口感好独特。而炒饭本身亦炒得干身，粒粒分明。最后甜品叫左抹茶流沙煎堆 $28，卖相几呃Like，抹茶味煎堆加上流心抹茶浆，香浓得黎又唔会太甜，正！叫左冻饮计半价，冻奶茶 $10，维他奶红豆冰 $12，第一次饮觉得几特别，几好饮。