阿來泰式地道風味

营业中

休息中

今次已经系二访呢间泰国餐厅，应该系旺角最好食嘅泰菜，一到门口已经见到好多人排队，绝对系性价比好高嘅一间餐厅，今次我哋分别叫咗唔同嘅菜式，佢另外仲有二人餐，但今次就冇叫到，我地分别叫咗泰式火山排骨、泰皇咖喱炒大蚬、泰式铁板蚝仔蛋、飞天炒通菜、薄饼，每一样份量都超级多，两个人真系完全食唔晒，每样都好好食，唔小心叫咗4人份。泰式火山排骨（$118）：排骨嘅size比想像中大好多，份量都好多，肉嘅质感软淋，煮得啱啱好，配上佢哋特制嘅酸辣泰式酱汁，真系超好食。泰皇咖喱炒大蚬（$128）+ 薄饼4件（$38）：咖喱香口惹味，带有甜味，唔会好辣，咖喱入面仲加咗鸡蛋，配埋薄饼一齐食真系好夹，蚬肉大粒，好有口感。泰式铁板蚝仔蛋（$98）：蚝仔嘅份量完全冇吝啬，每一啖蛋都食到蚝仔，蛋食落口感都好滑，入面仲有芽菜。飞天炒通菜（$68）：通菜清爽新鲜，带微辣，充满泰式风味。员工好有礼貌，环境干净，上菜速度超级快，大件夹抵食，大推！