新越越式料理 (已搬遷) 新店位置

今次碰啱有半价优惠，一试无妨。餐厅装修唔算好靓，只算系企理街坊小店，今日午饭时候嚟到，见到有好多人帮衬，好多客嚟到呢度都系叫一碗汤河或者汤檬，再加小食同埋饮品，可能佢地觉得汤河又大碗又抵食，所以我都叫个汤河试下，嚟到的确系好多河粉好多材料，大件夹抵食，虽然后来发觉蟹肉汤檬嘅汤底有大量味精，引致非常口渴，不过街坊价亦不能苛求太多，只希望佢以后轻手啲，唔好落太多味精，无益吖嘛，或者改用第二啲调味去提升鲜味就更好。