影片
更多
2019-07-24
46 浏览
呢一间新华苑酒家位于旺角道1号， 豪华戏院斜对面， 地点方便唔在讲，呢度嘅小菜晚饭非常之抵食， 而且质素高又够镬气， 平时唔想煮喺度开餐， 方便又快捷。呢度除咗有镬气小炒之外， 仲有海鲜同烧味。《金蒜蒸北海道元贝皇》，$138有4只， 每一只都系大大只， 带子肉蒸得啱啱好， 够晒嫩滑。 上面铺满咗金蒜同生蒜，蒸起来味道就更加香口，加埋吸收咗海鲜甜味嘅粉丝，更加令人食到舐舐脷。重头戏《上汤加拿大龙虾伊面》$198， 加多20蚊仲可以转成《芝士底》㖭。 龙虾有两只之多， 而且size亦都唔马虎，四个人食绝对绰绰有余。 龙虾非常厚肉， 而且好新鲜， 肉质爽脆弹牙， 又够鲜甜。而芝士汁伊面亦非常之美味， 二百零蚊嚟讲绝对系超值价。镬气小炒《黑椒薯仔和牛粒》$138， 镬气十足，黑椒惹味，和牛粒肥瘦适中，有牛味， 加埋炸过嘅薯仔嚟炒， 简直系perfect match。最后呢个《渔村小炒王》令人有惊喜， 呢一个小炒王除咗有平时一定食到嘅韭菜花之外， 加入咗鱿鱼， 炸银鱼， 腰果， 同埋炸芋丝， 令到口感更加之丰富。 韭菜花唔老， 食落冇揸又够嫩， 炸银鱼同埋炸芋丝脆卜卜， 另外嘅腰果亦非常之香口
呢度除咗有镬气小炒之外， 仲有海鲜同烧味。
《金蒜蒸北海道元贝皇》，$138有4只， 每一只都系大大只， 带子肉蒸得啱啱好， 够晒嫩滑。 上面铺满咗金蒜同生蒜，蒸起来味道就更加香口，加埋吸收咗海鲜甜味嘅粉丝，更加令人食到舐舐脷。
重头戏《上汤加拿大龙虾伊面》$198， 加多20蚊仲可以转成《芝士底》㖭。 龙虾有两只之多， 而且size亦都唔马虎，四个人食绝对绰绰有余。 龙虾非常厚肉， 而且好新鲜， 肉质爽脆弹牙， 又够鲜甜。而芝士汁伊面亦非常之美味， 二百零蚊嚟讲绝对系超值价。
镬气小炒《黑椒薯仔和牛粒》$138， 镬气十足，黑椒惹味，和牛粒肥瘦适中，有牛味， 加埋炸过嘅薯仔嚟炒， 简直系perfect match。
最后呢个《渔村小炒王》令人有惊喜， 呢一个小炒王除咗有平时一定食到嘅韭菜花之外， 加入咗鱿鱼， 炸银鱼， 腰果， 同埋炸芋丝， 令到口感更加之丰富。 韭菜花唔老， 食落冇揸又够嫩， 炸银鱼同埋炸芋丝脆卜卜， 另外嘅腰果亦非常之香口， 材料绝对用心， 唔会系𩠌头𩠌尾炒埋一碟。
整体嚟讲呢间新华苑酒家价钱优惠， 除咗有小菜食之外，原来仲有蒸气海鲜锅， 睇落几新鲜又抵食， 一定要试下。
张贴
