Mango Tree Kitchen (太古城中心) (已結業)

有日同一个同事去太古做嘢，就喺 cityplaza 食埋 lunch，食过元朗分店，终于可以试吓太古分店～我哋叫咗香茅猪扒饭同埋红咖喱软壳蟹饭，另外可以优惠价配小食，不过我哋另外喺大餐牌拣咗海鲜粉丝沙律。一上枱真系吓亲，首先猪扒系大大件，摊平都放唔晒，要分两层 😂而且仲要唔系薄薄一片，而系厚切！细食啲都真系搞唔掂......好钟意佢啲葱油，超香，拎少少嚟送饭真系一流～然后更震撼系软壳蟹，有四大只！我忍唔住讲咗句「乜软壳蟹好平架咩？！」炸得好爽口，唔油腻，正～呢个红咖喱都唔会辣，好易入口。海鲜粉丝沙律好清新，酸酸辣辣，青口、虾等等几款海鲜好足料，最钟意系啲粉丝吸晒味 😋食厌蔬菜沙律嘅话，粉丝沙律真系个好选择！叫咗杯泰式奶茶，泰式奶茶出晒名系劲甜，都算系一大特色，我问店员如果走甜会唔会好似玩嘢咁 😂店员有求必应，结果真系几惊喜，奶味好香好滑，好回味呀～枱与枱相隔一定超过 1.5米，餐厅够阔落，而且做足防御措施，食得好安心～见店员人数唔多，不过忙碌中都反应得好快，抵赞。