馬泰

营业中

休息中

今日黎左铜锣湾，食tea食著马泰呢间泰菜。以下午茶黎讲，价钱唔算贵，份量大，保证饱，最啱晏小小出黎食晏既朋友仔。我地两个人叫左一个无骨海南鸡喇沙，同一个肉骨茶，另外跟餐叫左两个小食炭烧猪颈肉同埋凤爪沙律，另外饮品叫左椰沙冰同豆奶红豆冰。凤爪沙律率先上枱，份量系两人份，酸酸辣辣既凤爪为下午茶热一热身开一开个胃口。无骨海南鸡喇沙好香，汤头饮得出系真材实料，海南鸡啖啖肉，配埋喇沙感觉好丰盛。肉骨茶饮落好养生，可能系因为有龙眼同杞子既关系，另外有4大旧排骨，同样啖啖肉， 另外重有必备既豆卜同油条，将茶加落白饭当汤饭食又系另一种滋味。另一个小食炭烧猪颈肉，同样好大碟，好香烧烤味。食完野饮埋杯餐饮真系好完满。