串 (已結業)

系尖沙咀揾紧系咩既时候，先发现呢到原来新开左间串烧店，好自然被啲烧烤既香味吸引住入左黎啦～餐厅有少量bar台位置比人坐，而且通风好好，所以地下都唔会好大油烟或者油淋淋，有返堂食之后再黎过！✨蒜蓉牛油金针菇一份都好大兜，装满哂个锡纸盒。入面有超多蒜蓉，加埋啲牛油，令金针菇食落去好滑身，充满香气！✨烧翠玉瓜唔少铺头既烧翠玉瓜都烧到淋哂，但呢到就啱啱好，仲有啲爽脆既口感之余食落去一样爆哂汁！✨烧豆卜开头都会谂烧豆卜会唔会好怪，但原来系好好食架！豆卜烧过之后，外层变到卜卜脆，但入面仲keep到嫩滑既口感，点埋老板特调既烧烤汁，味道酸酸辣辣，非常开胃。肉类串烧既种类非常多，有猪、牛、鸡、羊等，而且仲有唔少海鲜架，以下拣几款推介～✨烧鳝柳平时系出面食最多都系得两、三旧仔，但呢到有一大条肉，而且好厚身。鳝柳够肥，食落去爆哂肉汁出黎。加埋啲胡椒、香料，非常惹味！✨蜜味叉烧王好少地方食申烧有得食叉烧！叉烧肥瘦适中，肉质嫩滑弹牙。味道甜甜地之余，因为烧过既关系亦带有少少焦香。✨厚切牛脷厚切既牛脷真系好吸引！烧到啱啱好，唔会好韧难咬，仲保持到牛脷既弹性。调味冇加好复杂既香料，轻轻加左啲盐，保留左牛肉本身既香