鮮芋仙 (已搬遷) 新店位置

成日经过见到鲜芋仙都非常之多人排队，直头系打晒蛇饼咁样，所以一直都冇去试过，直至有一日真系咁啱冇人排队先至入去食。当然要食嘅话我就一定会带佢哋嘅招牌雪花冰，有两个布甸𠮶只，其实佢个冰系几好食嘅，炼奶嘅份量都好多，所以个冰其实食到底都真系几甜，但呢度嘅冰比较硬身，所以溶化嘅速度就相对上冇咁快，侧边嘅粉团有两只口味，包括系原味同埋紫色嘅芋头味，两只味都好烟人好好食，而且𠮶个嘅份量亦都唔少，一路食住冰一路食住佢啲粉团真系几开心，但系佢哋个布甸来讲就比较淡个味道，所以麻麻哋，下次可能会直接叫佢哋啲芋头食。