大丸和風食堂 (已結業)

旺角有好多间唔同嘅日本餐厅，喺呢个未必有得返乡下嘅季节，唔少人都过嚟大饱口福，止止瘾。😋今次我哋叫咗月见鸡肉串，唔知你哋又知唔知道月见系咩意思呢，原来系赏月咁解，含蓄嘅日本人将鸡蛋黄比喻成月亮，真系好浪漫喔💕我哋仲叫咗烧牛扒，酱汁调配得啱啱好，酸酸甜甜咁，食落好开胃👍🏼另外仲叫咗个和牛刺身手卷，我第一次生食和牛，唔知系咪和牛多油花嘅关系，其实有少少似食紧牛油味嘅鱼生，都几特别🤣🤣日本嘢就自然唔少得拉面啦，我哋叫咗个黑蒜油虾拉面，汤底都唔错，可惜只蛋有少少生，如果可以熟返少少就Perfect啦🤔之后仲有一个泡菜豚肉锅，落足料，成碗都系菜同肉，细食嘅可能食呢个到饱🤣🤣总括而言，呢度真系几抵食又几好食😋