越一越南牛肉粉專門店 (已結業)

圣诞假期做咩好？梗系去食好嘢啦！趁住黄大仙越一越南牛肉粉专门店七周年，做紧八五折优惠，就去食越南圣诞大餐，够特别啦！呢间舖头真系大件夹抵食，每样𩠌份量多，价钱仲好抵，叫咗六样嘢折咗之后只系$248，就算未折都系$300有找，食得好饱好饱，味道亦都有水准㗎！海南鸡饭：啲鸡全部走骨，鸡有鸡味，多肉又新鲜，配埋三种酱料，总有一款啱心水，送饭一流。朋友减肥中，所以拣咗白饭，另外仲有热汤奉送，朋友话都煲得好入味。炸虾饼捞檬：炸虾饼大大件，而且厚身弹牙，我觉得好好食。捞檬系正常发挥，好食的，我钟意佢嘅捞檬同酱汁唔会超级劲有蒜味，食完口腔会清新啲，啱晒我，哈哈青木瓜牛肉沙律：呢碟沙律估唔到咁大碟，牛肉多，青木瓜沙律更多，非常爽口，再加埋红萝卜丝青瓜丝等等配料，酸酸地，非常清热开胃。酸辣凤爪：凤爪嘅份量都系好多，有十几只，新鲜爽口，仲有车厘茄、西芹，生菜，又系一味酸酸地同清新嘅开胃小食。饮品我哋叫咗椰青同冻青柠梳打，椰青非常新鲜，好大只，里面好多椰青肉，非常清热解渴。冻青柠梳打可以有甜度选择，我选择咗走甜，酸酸地劲开胃，真系好好饮。