開花結果 (榮吉工業大廈)

营业中

休息中

有时食滞左，唔想食得太多嘅时候，开花结果就系我嘅选择。佢最出名嘅系大大碟鲜果沙律！（其实沙律系有得俾你拣嘅，真系食沙律可以食饱）之前试过牛角包觉得比较松散，今次叫咗个火鸡蜜桃猪仔法包配吞拿鱼火腿粟米沙律同埋菠萝粟米蛋沙律！睇相你已经觉得份量好惊人，但当佢送上枱面嘅时候，真系会令人打左个突，餐厅完全唔吝啬，我记得我当日食完全部沙律之后个包都食唔晒呀！跟餐仲有杯嘢饮添。朋友叫咗一个焗猪扒饭，佢都表示相当满意，猪扒大大件，蕃茄酱汁满泻！入边仲有几件菠萝好爽口添！