梁山泊日本料理 (已結業)

今日中午呢就去左都会置富𠮶度食午餐，咁行过就见到有一间食日本嘢嘅舖头，佢装修灯光就比较暗，有啲似居酒屋嘅感觉。入到去佢嘅menu嘅就分咗两个部分嘅， 一part系熟食嘅定食， 另一part就系寿司定食。 咁佢熟食定食𠮶度就系买四送一， 如果一大班同事嚟食呢就非常之抵。而我今次就拣咗三文鱼三文鱼籽饭定食， 价钱大概75蚊，另收加一， 咁呢佢就随餐附送沙律，面豉汤，同埋一个炖蛋。 其实食完𠮶个沙律同埋炖蛋之后呢都已经有三分饱㗎喇， 个炖蛋呢就唔系𠮶啲平嘢嘅，系蒸得好滑嘅炖蛋， 而个三文鱼饭呢三文鱼都新鲜肥美嘅， 但系略为嫌佢啲三文鱼子太多，令到个饭有啲咸嘅味道。整体嚟讲，呢个价钱加埋佢分量，绝对性价比高嘅， 十分推荐lunch系附近嘅朋友过嚟试下。