越泰 (已結業)

朋友搬去炮台山都有一段時間，終於都有時間去參觀下。樓下餐廳未算多，經過越泰覺得裝飾唔錯就入咗去。由於人不多，所以有卡位坐，又幾大幾舒適下。雖然離下午茶時候仲有三個字到，我地要店員都照俾menu。下午茶餐加廿零蚊就有多樣餸，都幾抵喎，要咗泰式豬頸肉。比起湯河，我就鐘意撈檬多啲。雞翼豬扒就成日食，好耐無食牛啦。上碟之後好驚好啵！出乎意料的大份，配料十分之充足，絕對飽肚。檬粉爽口，跟返脆卜卜的甘荀同青瓜，清新唔油膩。而豬頸肉也不會隨意唬弄，份量誠意十足，味道就更加真誠啦！片片肉大塊而厚身，肥而不膩，肉汁多多，又脆又彈牙，不愧是我的最愛。每枱有提供sriracha辣椒醬！！之前係美國都有食過，我幾鐘意呢種口味，個人覺得綠色果款會酸啲。隨住愈來愈多人入黎食下午茶，發覺好多人都有跟餐加豬頸肉，的確係好味嘅，又抵食。