江南瀨粉 (福榮街) (已結業)

约左朋友系深水埗见面，佢介绍话呢间小店既水饺好食，所以就过左黎试下。话时话都好耐无食凤城水饺，多数系街食粉面都系食云吞多，唔系好多地方有卖凤城水饺，所以我都几期待。平日未到夜晚食饭时间，人唔算好多，但keep住都半满状态。我地睇menu拣左好耐，叫两碗又惊太饱，所以最后叫左四𩠌濑粉加份韮菜猪红share。先黎韮菜猪红，猪红份量好多～～～韮菜当然都好多啦哈哈。劲钟意食猪红既我觉得好好食～个汤底稍为咸左少许，不过猪红几新鲜，唔会一patpat，食落口都几香。然后到四𩠌濑粉，佢既鲜制濑粉同平时快餐店食到既唔同，佢系比较粗，无咁透明，似系弹牙版既乌冬咁。每条都粗幼不一，睇得出真系小店自家制，呢种感觉几好，唔系出面咁易食到既野。鹅肠一啲都唔腥，清洁得好干净，亦都够弹牙。竹笙正常发挥～唔系用漂白哂既货，唔错。紫菜都比得唔算少，而且处理过，完全唔会有腥味。水饺真系无介绍错，大大粒，多馅，系木耳同虾都多呀！！而且水饺皮唔会易烂，够新鲜听闻都系自家制，不过一份得两粒，早知叫两份啦！跟餐加左杯柠乐～为便宜抵食既一餐作结哈哈。