Muse Burger (已結業)

经过铜锣湾与湾仔中间新开汉堡店，位置喺一间酒店大堂半开放式。本身谂住试下招牌汉堡，原来menu 有全日早餐，作为ADB控嘅我, 梗系唔放过!$100有找超抵食，加28蚊升级至套餐连小食嘢饮。本身谂住拣番薯条，店员好心提醒本身ADB已经有, 就转咗个劲多粟米同蘑菇嘅餐汤。嘢饮$18升级士多啤梨柠檬红茶。酸酸甜甜好解渴，茶味仲有回甘。一上菜见到劲大份，非常足料。黑松露蛋够滑，闻到阵阵超香松露味。连咁啱经过准备check in嘅同胞大妈都望到眼鲸鲸唔愿行。佢嘅友人都忍唔住问佢「看啥？」 面包用牛油烤过，烟肉唔太咸，番薯条可以再脆啲 。份量大到食到一半就已经饱咗～🙈