影片
更多
2016-05-23
109 浏览
今晚喺愉景新城行左阵街，但系又唔想系商场入面𠮶啲铺头食㖞，就行左出去福来邨𠮶度揾嘢食。一落天桥要喺海坝街行左冇耐，就见到呢间韩国铺头好多人等，应该几好食，所以就等埋一份，七点半到去到，等到八点就坐得啦。我哋一行四人，就叫左佢哋个四人餐，都系三百零八蚊，但系就有石头锅饭，烧牛肋骨，人参鸡汤呢啲想食嘅菜式。前菜方面，有莲藕，泡菜，芽菜，青菜，海带，蕨菜拣。我哋就叫左泡菜，青菜同埋海带，个泡菜几好食，酸酸地，唔太辣，十分开胃。海带就比较细碎，但系食落啲味道就冇乜问题。之后就上咗度泡菜饺子，虽然佢个菜单上面写有少少辣，但系我就觉得冇乜辣，啱啲唔食辣嘅朋友选择，饺子皮炸得好脆，配埋酸醋食，可以去咗油炸嘅油腻感，本身以为四人餐应该得四只饺子，点知佢有八餐，唔会到喉唔到肺，好高性价比！个人参鸡汤系用铁碗上嘅，好处系啲汤上枱𠮶阵仲热辣辣，但唔好处系好快就会比冷气吹冻，一定要趁热食，个人参鸡汤好似系韩国食咁足料，里面有成支人参喺度架，佢哋仲好细心配胡椒盐送鸡肉食，因为只鸡都煲左一段时间，就咁食会冇乜味，配埋胡椒盐就啱啱好啦。烧牛肋骨用铁板上，都系上枱嘅时候够热，但系都冻得好快，牛肋骨肉够嫩，汁够甜，略嫌
我哋一行四人，就叫左佢哋个四人餐，都系三百零八蚊，但系就有石头锅饭，烧牛肋骨，人参鸡汤呢啲想食嘅菜式。
前菜方面，有莲藕，泡菜，芽菜，青菜，海带，蕨菜拣。我哋就叫左泡菜，青菜同埋海带，个泡菜几好食，酸酸地，唔太辣，十分开胃。海带就比较细碎，但系食落啲味道就冇乜问题。
之后就上咗度泡菜饺子，虽然佢个菜单上面写有少少辣，但系我就觉得冇乜辣，啱啲唔食辣嘅朋友选择，饺子皮炸得好脆，配埋酸醋食，可以去咗油炸嘅油腻感，本身以为四人餐应该得四只饺子，点知佢有八餐，唔会到喉唔到肺，好高性价比！
个人参鸡汤系用铁碗上嘅，好处系啲汤上枱𠮶阵仲热辣辣，但唔好处系好快就会比冷气吹冻，一定要趁热食，个人参鸡汤好似系韩国食咁足料，里面有成支人参喺度架，佢哋仲好细心配胡椒盐送鸡肉食，因为只鸡都煲左一段时间，就咁食会冇乜味，配埋胡椒盐就啱啱好啦。
烧牛肋骨用铁板上，都系上枱嘅时候够热，但系都冻得好快，牛肋骨肉够嫩，汁够甜，略嫌有少少肥，侍应上菜𠮶阵好好服务态度咁帮我地系柜桶拎左刀叉(放得系柜桶就应该系食客自己拎，街坊生意仔唔通要求酒店服务咩)。
海鲜煎饼都几大粉，食得出里面有多鱿鱼，唔会过老，弹牙爽口，粉团唔厚，食落烟烟韧韧！
鸡肉石头锅饭个酱系分开俾你嘅，因为我妹妹唔食辣嘅关系，我觉得呢一个上法好贴心，咁样我妹妹就可以试下个石头锅啦，有翠玉瓜做配料系个惊喜位，鸡肉份量较多，鸡肉唔鞋。
除此以外，我哋以为个套餐嘅份量唔太多，惊唔够食，所以我哋叫多左份紫菜包饭同埋蚊牛肋骨煲，点知原来个套餐已经好够食。紫菜包饭＄28
正常嘅材料都系萝卜丝青菜火腿咁，特别在佢豉油俾你，似食紧日本寿司，但系我都系钟意就咁食唔甜豉油。
炆牛肋骨煲＄96
虽然系牛肋骨，但系质感就似牛腩瘦肉，炆过既牛腩汤非常鲜味，配埋韩国特有嘅𠮶种甜甜地嘅味道，送饭一流。萝卜炆得够腍，但系苦定甜就睇彩数啦。另外果报仲有红萝卜同埋冬菇，有冬菇果下真系估你唔到，真系够晒多材料。
个套餐仲送四杯嘢饮，我哋都系嗌咗普通大路嘅柚子茶参茶同埋红枣茶，但系阿妹就加＄20叫左个朱古力沙冰。佢饮得好滋味，我饮落就觉得似冻朱古力，仲好鬼甜添。
系食紧嘅呢个靓钟头里面，出面一直都有人等位，成个场都好墟hum，仲见到好多其他枱都系食佢哋嘅部队火锅，我见到仲有芝士同出前一丁，好后悔冇嗌一个，但系已经饱到顶住个肚啦，唯有下次先过嚟再试啦。
张贴
