Cafe de Tiffany (已結業)

琴晚同朋友去咗联和墟一间叫做cafe de Tiffany 嘅餐厅食晚饭，一开始听名以为系食Cafe嘢，估唔到原来系锯扒。望一望餐牌，价钱都相当合理，晚餐二人餐都只系248。环境方面，就系常见嘅港式西餐，比较昏暗有格调，墙壁有一个大牛形状嘅霓虹灯。嘢食方面，我同朋友拣咗248嘅二人晚餐套餐，包两个主食，两碗餐汤，两个黑糖面包仲有两杯嘢饮。我哋就叫咗比目鱼大虎虾同埋杂扒餐，两碗白汤，冻柠茶同冻柠宾。两个主食一上到嚟都相当震撼，分量十足。每次出街锯扒，我都系一定拣薯菜，唔会拣饭同面，一嚟钟意食香口野，二来薯菜唔会喺屋企特登整，所以就养成左呢个习惯，估唔到呢间想转饭同面系需要另外加钱，对我呢个对薯菜情有独钟嘅人嚟讲完全冇影响。总括而言，呢间餐厅价钱唔贵，份量好大，就算系大胃王都包保你捧住肚走。