戶戶餸

营业中

休息中

我第一次帮衬呢一间户户𩠌应该系几个月前的事了，当时见到都有啲人排队所以我又试下乜嘢叫做两𩠌饭，𠮶次叫了炆鳝鱼同埋黑醋骨，拎返屋企都唔敢有太大期望，竟然有惊喜，两个𩠌都好食呀。第二次可能系7月头的时间我叫了三𩠌饭，果次有影相，3个𩠌分别系牛仔骨，排骨炆豆腐卜，炸虾。 份量好大，炸虾就有3只𠮶次我食完系好饱。第二次没有第一次咁好感觉，牛仔骨好味，排骨炆豆腐普普通通合格嘅，炸虾可能摆得耐咗一啲，唔系咁正， 如果幸运是新鲜出炉的应该几好食。今次系第3次，份量依然惊人，我特登攞3只碟出嚟分配黎影相，真系好夸张，我食剩大半份炆猪利，留了隔天再煮。今次第3次没有第一次的喜悦，就系觉得好大份好抵食，可能3个𩠌都比较摆耐咗，冇咁好啦，菜心炒猪肉okay嘅，椒盐猪扒okay嘅，炆猪利好似唔够林。 讲真38蚊三𩠌饭，自己点样买𩠌整啊，份量足够两个女孩子食，真系经济实惠。食几餐三𩠌饭可以悭返啲钱食啲贵嘅同埋好味的餐室都系悭钱嘅一个方法。