六合小巷 (已結業)

盐酥拼盘有盐酥鸡，贡丸，花枝丸同埋四季豆，份量多到4个人share都得！鸡炸得好脆，四季豆冇炸到好干几好味。六合酱油鸡丝捞面又系超级大份，麻酱唔吝啬，再加上少少芥辣即刻balance返晒，好开胃。醉鸡翼酒味够浓，鸡翼够大只啖啖肉烤台湾肠虽然平时超市都可以自己买到，但系食台湾嘢总系想食下台湾肠。黑糖珍珠鲜奶黑糖甜度刚好，冇谂过咁大杯超饱肚。柠檬爱玉冬瓜茶夏天饮啱晒，酸酸地涩涩地，唔会太甜，解腻一流。位置虽然唔系大街，但系都好易揾，舖头装修好有台湾特色。每种食物份量都超级大份，价钱又平真系医肚之选！