壹號車仔麵 (已結業)

成日经过呢间车仔面店都想试一试， 佢门口贴住嘅几𩠌面价钱好吸引，面类又多，而且仲好多小食。 今日放工终于记得过嚟买个外卖😉。 呢度三𩠌面都系38蚊，面底有八款咁多，另外汤汁亦都有五款，都算多口味。 外卖碗系将汤同埋面分开嘅，超级大碗，一个面底应该两个女仔食都冇问题😂。 ❤ 油面+ 手工煎鲮鱼饼、 手工鲜虾韭菜云吞、 萝卜+ 香辣汁手工煎鲮鱼饼好大块😮，出面煎得脆脆哋好香口， 而且呢个香辣汁唔会太辣， 但系好惹味。 ❤ 幼面+ 手工韮菜饺、 卤水鸡翼、 陈皮鱼蛋+ 沙嗲汁面底嚟讲自己比较钟意食幼面， 比较挂汤同有咬口 ，沙嗲汁好香浓，衬幼面特别入味。 另外手工韮菜饺嘅饺子皮好薄好似云吞皮咁样，容易入口。 卤水鸡翼有两件，都系超级大只嘅鸡中翼👍。 ❤ 台式牛呢款牛展做得好出色，每一块牛都砌得好薄但系好大块，充满麻辣味，沾上酱汁一口食落去麻香味十足，系好开胃嘅一道小食😋。