影片
更多
2023-07-11
68 浏览
呢间星马菜餐厅已经第二次到访，嘢食款式几多，抵食兼大份，一直都系呢头嘅大热餐厅之一！餐厅里面系复古怀旧装修，有唔少挂画同挂字，啲画系讲紧佢哋招牌芽菜鸡嘅故事，好趣致搞怪🤣！另外，小店好有心思，佢哋用嘅餐具全部都系金色边湖水绿色，成套过好靓！佢哋主打芽菜鸡、叻沙同肉骨茶，用QR code落单，够晒方便！呢度嘅肉骨茶比较特别可以自己拣肉骨嘅部位，而且都系免费添饮！而且佢食物选择比较多，真系要食几次先试得晒，值得不断encore！------------------------------🥘◖砂锅老鼠粉◗ $88原锅热辣辣上枱，好大煲有镬气，有炸过嘅鱼仔干、花生同猪油渣，捞埋啲蛋浆，好滑好香口！佢里面系银针粉，软腍有韧气，落咗啲酱油去炒，会有少少焦底，劲中意食，好香脆超好食！🐓◖怡保芽菜鸡◗ $73呢个本身跟黄姜饭，额外加咗$5转椰浆饭。芽菜鸡用咗上等鸡肉，有少少似海南鸡，肉质超嫩滑，鸡皮弹牙爽口，点埋佢个秘制酱汁，有少少甜辣嘅酱，好开胃！至于个椰浆饭青色，颜色好鲜艳，用嘅系珍珠米有饭香，比较湿身，带住淡淡的椰子香味，都不错！🧆◖仁当牛肉◗ $76本身以为佢系好似沙嗲牛肉，但原来系类似咖喱牛
佢哋主打芽菜鸡、叻沙同肉骨茶，用QR code落单，够晒方便！呢度嘅肉骨茶比较特别可以自己拣肉骨嘅部位，而且都系免费添饮！而且佢食物选择比较多，真系要食几次先试得晒，值得不断encore！
------------------------------
🥘◖砂锅老鼠粉◗ $88
原锅热辣辣上枱，好大煲有镬气，有炸过嘅鱼仔干、花生同猪油渣，捞埋啲蛋浆，好滑好香口！佢里面系银针粉，软腍有韧气，落咗啲酱油去炒，会有少少焦底，劲中意食，好香脆超好食！
🐓◖怡保芽菜鸡◗ $73
呢个本身跟黄姜饭，额外加咗$5转椰浆饭。芽菜鸡用咗上等鸡肉，有少少似海南鸡，肉质超嫩滑，鸡皮弹牙爽口，点埋佢个秘制酱汁，有少少甜辣嘅酱，好开胃！至于个椰浆饭青色，颜色好鲜艳，用嘅系珍珠米有饭香，比较湿身，带住淡淡的椰子香味，都不错！
🧆◖仁当牛肉◗ $76
本身以为佢系好似沙嗲牛肉，但原来系类似咖喱牛肉𠮶种～佢一煲过嚟，有蜡烛仔喺底去保温，牛肉粒份量都多，肉质偏瘦，牛味都几香浓，浸喺微辣嘅汤汁入面，几好送饭～
🥪◖椰香南洋烧面包◗ $34
佢个面包黑蚊蚊咁，里面搽咗薄薄嘅牛油同咖央酱，烘得香脆好食！
🍺◖美禄恐龙◗ $28
嘢饮底唔会好甜，面头晒咗超多美禄粉，捞匀佢饮，味道啱啱好～
🥥◖椰汁斑兰冰◗ $28
本身以为佢系沙冰，原来纯粹系冻饮，斑兰嘅味道唔太出，似饮紧椰汁，略嫌唔够冻～
🌟Encore指数：9/10
张贴
