翡翠茶餐廳

营业中

休息中

今次系午餐时间去买外卖，叫左个芝士焗猪扒饭同个干炒叉烧意粉餐，配埋两杯嘢饮盛惠$115。芝士焗猪扒饭焗猪扒饭热辣辣，因为佢系即叫即焗，所以就要等耐少少，不过都系大概10-15分钟就有，算快手。上面啲芝士好似焗太耐有少少㶶左，不过影响唔大。入面有一大块猪扒，啲肉都好软。餐厅已经切好晒一块块，所以食起上黎都好方便。饭系炒底，几香口，而且好多汁唔怕会太干，不过我地觉得个汁好浓味好甜，如果唔钟意咁甜嘅可能会麻麻地。干炒叉烧意粉话就话系干炒但其实唔洗怕干，佢个底都有啲汁可以捞下，同一般干炒牛河无咩分别，都系几油嘅。配料方面有葱、洋葱、芽菜同啲芝麻，都几香口。叉烧有好多块，而且系半肥瘦！好味！整体黎讲两份嘅份量都几多，啱晒惊午餐唔够饱肚嘅朋友，不过茶餐厅嘅食物多数比较浓味，所以食完会几口渴。