大丼家 (已結業)

大丼家取大当家谐音，新开几星期有唔少人帮衬，价钱唔贵，一心以为试得过，点知系大伏！所有item嘅通病系：1）细份唔抵食2）唔够热最伏系拉面...先玩个找不同？粟米同菜都离奇失踪。份量少得可怜，碗本身就好细好浅，汤都盖唔过啲面。溏心蛋变实心蛋，一望就知唔入流。汤底？饮落只似昆布汤加辣油，辣味不痛不痒，而且稀到水咁，公仔面味精粉汤底都好过佢。加少少钱都食到味千喇，呢碗面嘅质素同味千嘅差距明显大于十几蚊...睇图你觉得一客有几多只？几大只？饺子皮又硬又油...三只一口饺子。咖哩饭唔平平无奇，但亦唔平。咖喱味唔香，只系似豉油。炸皮太厚，面包糠好少，所以唔松化。算系比较好食，但唔值$52。蕃茄汤几浓。乌冬都唔粉，少少黏韧。海鲜虽多但唔新鲜，而且全部系白灼味。汤唔够热，芝士上枱都只系啱啱溶到。唔知迟啲会唔会进步，但餐厅位比较迫，食物份量少，员工唔够服务普通，恐怕唔系咁易改善。