影片
更多
2023-03-26
112 浏览
TLDR总结：无咩事唔好入嚟食呢间，好似得罪啲店员咁，揾苦自己食...之前食过yoho𠮶间唔错，所以推荐外国嚟嘅亲戚食下越南餐，点知中伏：上餐超慢，服务态度极差，已经系平日去，新开张都咁…..呢一餐叫咗2个两人餐加3个自选小食，后加一人餐。落单之后野饮上咗两杯加两人餐嘅其一碗主食，等咗好耐先上其中一款小食：椰汁糕。一人餐叫咗一碗鸡丝扎肉香浓鸡汤金边粉，加单仲上得快过第一份两人餐嘅第二碗。我哋系两三个人分一碗，两碗食完又等咗一阵先上第一份套餐嘅小食拼盘。我哋同一时间落单两个两人餐，两份都有包小食拼盘，正常应该系一齐上晒两份？但唔系！隔咗好耐终于上晒其中一份两人餐嘅野食但系如果平时两个人去食嘅话，都要等几耐先可以同时间开始食，唔建议大家去啦！对面有四枱迟过我哋入都已经食完翻咗一次枱，我哋落单嘅野食都未到齐。本身出面有条队，都已经入晒嚟都未上齐主食。其他枱有叫招牌粉配油炸鬼，明明迟过我哋入座同落单，佢哋啲野食仲早到过我哋。仲以为要等佢哋啲食材喺越南飞过嚟。6点3左右到餐厅，6点半左右落完单，20分钟后先上到一碗粉，7点30分先上完所有食物。用咗差唔多成个钟先上晒所有野食，冇人接受到挂？？一人
之前食过yoho𠮶间唔错，所以推荐外国嚟嘅亲戚食下越南餐，点知中伏：上餐超慢，服务态度极差，已经系平日去，新开张都咁…..
呢一餐叫咗2个两人餐加3个自选小食，后加一人餐。落单之后野饮上咗两杯加两人餐嘅其一碗主食，等咗好耐先上其中一款小食：椰汁糕。一人餐叫咗一碗鸡丝扎肉香浓鸡汤金边粉，加单仲上得快过第一份两人餐嘅第二碗。我哋系两三个人分一碗，两碗食完又等咗一阵先上第一份套餐嘅小食拼盘。我哋同一时间落单两个两人餐，两份都有包小食拼盘，正常应该系一齐上晒两份？但唔系！隔咗好耐终于上晒其中一份两人餐嘅野食
但系如果平时两个人去食嘅话，都要等几耐先可以同时间开始食，唔建议大家去啦！对面有四枱迟过我哋入都已经食完翻咗一次枱，我哋落单嘅野食都未到齐。本身出面有条队，都已经入晒嚟都未上齐主食。
其他枱有叫招牌粉配油炸鬼，明明迟过我哋入座同落单，佢哋啲野食仲早到过我哋。仲以为要等佢哋啲食材喺越南飞过嚟。6点3左右到餐厅，6点半左右落完单，20分钟后先上到一碗粉，7点30分先上完所有食物。用咗差唔多成个钟先上晒所有野食，冇人接受到挂？？一人餐嘅野饮又唔知点解去到最后先嚟。family dinner等野食上齐先食嘅话，可以唔驶食啦？
之后到服务态度，啲职员得闲到系到倾计、两个人执一张枱......特别系门口𠮶位女士（好似叫Charmaine)，唔知点解成日黑口黑面咁望住我哋𠮶枱，仲指指点点。本身晏昼想食呢间，但太多人同埋我哋赶时间，所以转咗第二间先。晏昼问位嘅时候已经态度超级差，问佢太概要等几耐，佢话「我答你唔到㖞」「点都要分开坐，你哋咁多人」。
夜晚有位坐低咗，个位女士又同佢同事讲「今朝叫过佢哋分开坐，唔系边够位（唔系可以点）」；佢哋清洁完张枱，啲水滴左落张凳度又冇人擦；上餐嘅waiters服务都唔好得去边。叫佢放个餐去落单𠮶个位度，净系放咗个餐，啲配料又无放，完全无服务可言。
张贴