傅師傅甜品小食

营业中

休息中

去完大埔，我地三五知己又边会比佢停，食完晚饭就到甜品。傅师傅系大围好出名架，好多人排队，今次我地好彩，刚刚有人走，所以唔系等咗好耐。我地咁多人更系叫啲大件啲，所以就叫咗杨枝甘露芒果布甸，芒果窝夫同火焰雪山。个杨枝甘露芒果布甸，好够冻，啲柚又够甜，同个芒果布甸好夹，而且仲有个雪糕球，夏天食够晒透心凉。跟住来个芒果窝夫，因为芒果合时，所以我地系咁食，个芒果够甜，同个淡淡地的窝夫一齐食好夹，佢仲有个酱比你点，味道更加一流。个火焰雪山仲系我地必食之选，因为佢有3个唔同味的雪糕系入面，个面就热热地，入面就透心凉，冰火的感觉系夏天解热的好方法。讲番间餐厅，因为佢地有小食又有甜品，三五知己要敍头，就可以来呢到落脚，因为食乜都得。