竹家莊

营业中

休息中

因为单身姐姐仔生日佢吹鸡叫人请佢食饭，咁啲朋友就叫埋的男人请黎呢度食啦。即刻好似speed dating😂但我只系揍脚而已，佢地互相觅食唔关我事，我净系黎食😂。咁一出嚟呢为咗等齐啲男人就叫左前菜先。女仕青青地叫咗韮菜，早黎既肥仔就叫咗佢想食嘅猪粉肠。我唔扮细食既就叫咗我最钟意食嘅避风塘辣椒炒大肉蟹同炒蚬。反正都系叫主菜，就叫埋辣酒煮花螺，蒜蓉粉丝蒸贵妃蚌，椒盐珍宝赖尿虾。嘻嘻其他男人嚟唔嚟我都谂住有嘢就食，反正佢地食唔多似系主要目的。一出嚟想着粉肠，肥仔话几好味几爽口。韭菜呢我都麻麻哋，因为会摄住啲牙味道无问题既。酒煮花螺就够辣，都大只冇沙。蒜蓉粉丝蒸贵妃蚌我觉得唔够大只但系几鲜甜。炒蚬其实我觉得似豆瓣辣椒酱但系又唔辣乜滞，都算几大只同大碟。椒盐珍宝赖尿虾惹味。避风塘辣椒炒大肉蟹都觉得肉蟹唔够大只不过系好味嘅。果啲干葱蒜头辣椒淹没左只蟹，蟹身都有辣味好味，8个人分唔够我食因为我系海鲜精。肥仔见我唔饱，就话一齐叫烧鸭汤河（好明显佢都唔够饱借我过桥😂)点知个烧鸭河比想像中好味，汤浓郁烧鸭皮脆肉嫩河粉几还滑口。呢度啲侍应生全部都上咗年纪嘅招呼好周到。卖单我就乜都唔知，因为男仕请既，价钱好似都