大冒險家餐廳

营业中

休息中

今日我们去咗迪士尼乐园玩，今次我们选择咗去大冒险家餐厅食午饭！我们叫咗人参炖鸡汤套餐、越南牛肉汤河粉套餐同印尼炒饭套餐！人参炖鸡汤套餐嘅份量同卖相都几丰富同吸引，有一整只鸡，酿喺鸡入面嘅糯米吸收晒汤汁嘅香味，虽然份量唔算太多，但都几惹味，而鸡肉嘅肉质都几嫩滑！越南牛肉汤河粉套餐嘅汤底比较清淡，牛肉嘅肉质都几嫩滑，而且份量都几多，河粉嘅质感就比较「嚡」咗啲！印尼炒饭套餐嘅金字塔炒饭炒得好干身同好入味，卖相相当吸引，虾肉嘅肉质好爽口弹牙，而且都几大只，鸡脾嘅肉质都几软滑，沙嗲串烧嘅味道都几惹味，虾片都几大块，但唔算好脆！