大勝軒丸一 (金星閣) (已結業)

以前星期五都会同同事饮酒放松下，但现时疫情逐渐严重，大家都避免出去饮酒，所以星期五由饮酒日转为拉面日。我之前去日本试过沽面之王－大胜轩，近日得知大胜轩创办人既入室徒弟喺香港开左间大胜轩丸一，所以同朋友特登嚟到太古。沾面种类繁多，最感兴趣系咖哩沾面，不过决定试下大胜轩既人气款式拉面先。- 特制沾面🍜份量真系世界级，总共一面二蛋三叉烧。汤底热辣辣唔会太咸。虽然有啲稀，但好处系食到最后汤底都足够俾我沾面。入面仲有大大粒叉烧，肉质唔算嫩，但叉烧粒吸晒沾汤既精华，相当惹味。- 唐扬炸鸡🍗炸鸡几鲜嫩多汁，外皮香脆，不过唔系太热。入去餐厅既时候接近满座，证明大胜轩系沾面界占一席之地。