月

营业中

休息中

路過見到開了新店，即管試試。坐下後發現原來menu只得門口塊黑板上寫的食物，侍應哥哥立即掏出了自己的手提電話，俾我地睇返門口塊板的相來點餐，忍唔住問左句：「你地開張左幾耐？」原來才開業兩星期。點了炸豬扒飯同香辣蝦意粉。香辣蝦意粉夠香辣，可惜蝦細隻同少左啲（得三粒），由於我掛住食自己碟飯，忘了影相。碟豬扒飯就相當唔錯。豬扒炸得香脆，厚果邊咬落有少少韌，但個人覺得好過腍得好緊要的豬扒。另外值得大力讚揚的是碟飯側邊的伴菜：炒茄子同牛油磨菇。好食好夾送飯。跟飯/粉仲有冷熱飲品，公道價錢，有質素的食物，值得一試。最後最後，店員們工作很有幹勁，大家都爭住快手做野，感覺良好。