富山麵家

营业中

休息中

富山面店每隔一段时间，就会有卡通联乘既拉面推出，今趟轮到大口子喇。每次有活动，总会吸引好多食客黎打卡。离远已经见到超大个大口仔装饰，店内店外既每个角落都是打卡位！急不及待点左大口仔主题既牛奶拉面、软壳蟹乌冬沾面、章鱼烧、宇冶抹茶白桃布甸、巨峰可尔必思梳打、蜜桃可尔必思梳打。牛奶拉面个汤有好浓郁牛奶香，叉烧吸收哂汤汁，好好味。沾面汁有冷同热可以选择，个汁够晒浓稠，挂喺每条乌冬上面，入口每啖都系海鲜汤味。软壳蟹外脆内多汁，仲食到有蟹膏，劲惊喜。特制章鱼烧即叫即整，每粒都食到章鱼粒，加上木鱼，好睇又好食。宇治抹茶白桃布甸底层既抹茶布甸好滑溜，面层既白桃同哈密瓜好新鲜清甜，星星做形好美观。每杯梳打响忌廉上面都配一粒大口仔马卡龙，２款既卖相都好可爱，配上独特既可尔必思乳酸菌，味道酸酸甜甜，清爽又解腻。除热卖既大口仔造型食品，仲有一系列的限量精品，睇怕呢个联乘，至少要黎返三两次先得。