大叻越南牛肉粉餐廳 (海灣街)

营业中

休息中

大叻越南牛肉粉食过好多次，觉得都唔错，性价比几高，平平哋食下都几好，天气咁热又想食啲冇咁Heavy嘅嘢，所以又去食下🤣午市套餐有饭有面，都系五十零蚊就有交易。🍴扎肉鸡丝捞檬 $56 (7.5/10)份量都好足，扎肉有三块，生菜丝，青瓜丝，红萝卜丝，口感好丰富，檬粉份量都够冻，加上酸汁，好清新，好意入口好啱夏天食！鸡丝唔会太干身，撕得都几细，扎肉有煎香过，正常札肉，唔会太咸。整体来讲都几唔错！🍴虾饼捞檬 $56 (7.8/10)虾饼即叫即炸，好香脆，入面系扎实嘅虾肉加葱，有虾味，好香口，美中不足就系细旧咗啲，得两块唔够食🥹虾饼好食过鸡丝扎肉，但感觉鸡丝扎肉好似抵食啲咁，睇落份量多啲XDDD🍴三色冰/红豆冰 少甜少冰 +$10 (7/10)红豆冰同三色冰差唔多，三色冰多咗啲菠萝啫喱，椰汁好香浓，但甜咗啲，红豆未够软淋，加$10有杯特饮就算啦都OK嘅~推荐指数: 7.5/10午餐嚟讲都算唔错，抵食饱肚，唔想食太Heavy嘅话可以试吓呢间。