焰淑泰國餐廳 (已結業)

一讲起放题，都会谂起日本菜，但系估唔到原来泰国菜都会有放题㗎㖞～ 因为某日同朋友经过呢间位于铜锣湾嘅泰国菜馆，见到有二人串烧任饮任食套餐，我地觉得好似几得意，所以就入咗去试下啦～套餐包括一个前菜、一个主菜，串烧可以任食，同埋啤酒可以任饮。 前菜系生虾，我哋觉得生虾嘅味道非常出色，虾本身都几新鲜，所以肉质爽口，调味汁酸酸辣辣，非常醒胃，感觉味道都几地道，主菜方面我哋就叫咗烧牛扒 ，牛扒肉质结实，烧得香口，味道相当唔错！串烧嘅种类有好多，例如有生蚝、粟米、青口、鸡肉、牛肉、鸡翼等等。我个人认为最好食嘅系青口同生蚝，因为加咗蒜蓉嘅关系，食落非常惹味。其他串烧嘅味道都相当好㗎～ 呢个套餐其中一个最大嘅好处，就系可以满足一众酒鬼，可以尽情畅饮一番～整体嚟讲，我觉得呢个套餐嘅性价比都几高～ 钟意食泰国嘢同埋饮啤酒嘅朋友，的确可以考虑去呢间餐厅挑战下呢个特别嘅放题套餐哦！😋😆