影片
更多
2009-08-27
536 浏览
哗哗哗, 未试过系咁短时间系同一食店内写2次食评, 但"金豪"真系好值得推介。是夜同祁生的旧同学去金豪大吃大喝一次, 是次约会经过FB足足一个月前约好, 希望系可以齐脚齐人, 不过事实永远唔会咁完美, 初期预计系10个人, 最终都只有7个可以出席, 不过都无损大家食食食的意欲。今次食左乜........ 好味酱烤骨 (终于知道呢味菜个全名喇) - 真系无野讲, 好味, 赞, 肉入味, 腍, 入口溶, 调味系非常之配合。 鲍汁鸡脚 - 都有少少担心鸡脚会唔入味, 但煮得唔错, 入味鸡脚好胶身, 大家都食唔停口呀! 椒盐鸡软骨 - 唔驶多讲, 又系一味佐酒的佳品啦。 避风塘濑尿虾肉 - 呢味真系岩哂D想食濑尿虾和懒得拆肉既人, 虾肉去壳再加入避风塘料炒, 真系....食极都唔够啰。 嗜嗜咸肉芥兰煲 - 唔知系唔系D芥兰靓呢, 呢种食法D芥兰特别甜㖞。 芥辣牛柳粒 - 望见系绿色的Washabi, 食落有芥辣味, 味道OK。 豉椒炒蛏子 - 呢次蛏子失色少少, 因为炒得唔够干身, 而且无左镬气, 扣分呀! 金豪风味鸡 - 唔知点解今次只鸡最后先到, 搞到大家都食得八八九九时先出现, 令到
好味酱烤骨 (终于知道呢味菜个全名喇) - 真系无野讲, 好味, 赞, 肉入味, 腍, 入口溶, 调味系非常之配合。
鲍汁鸡脚 - 都有少少担心鸡脚会唔入味, 但煮得唔错, 入味鸡脚好胶身, 大家都食唔停口呀!
椒盐鸡软骨 - 唔驶多讲, 又系一味佐酒的佳品啦。
避风塘濑尿虾肉 - 呢味真系岩哂D想食濑尿虾和懒得拆肉既人, 虾肉去壳再加入避风塘料炒, 真系....食极都唔够啰。
嗜嗜咸肉芥兰煲 - 唔知系唔系D芥兰靓呢, 呢种食法D芥兰特别甜㖞。
芥辣牛柳粒 - 望见系绿色的Washabi, 食落有芥辣味, 味道OK。
豉椒炒蛏子 - 呢次蛏子失色少少, 因为炒得唔够干身, 而且无左镬气, 扣分呀!
金豪风味鸡 - 唔知点解今次只鸡最后先到, 搞到大家都食得八八九九时先出现, 令到只鸡无乜人想食, 最好食的部位依然系最抢手, 不过今次D葱油咸左少少啦。
姜葱炒蟹 - 大肉蟹$388, 好味葱甜, 蟹有肉唔散, 好食过避风塘炒蟹多多声啦。
蛋白炒饭 - 呢味系最后一味, 本来个个都饱哂, 但见到D饭粒炒到粒粒分离, 劲香炒饭味, 大家都忍唔住食D试下.....哗~ 好味。就系呢碟饭令我有少少怀疑炒蛏子和炒饭系2个师傅去煮既, 点解炒饭会好食过炒蛏子先得架~!!!!!
食左咁多野, 饮左唔知几多知...蓝冰, 埋单每人都系$175, 你话唔介绍多D人来点可能对得住自己呢。提示一则, 想去金豪食饭记得订枱, 因为店内枱数比较少, 唔订枱想食饭, 下次请早唷。
张贴
