Fish & Chick Plus (已結業)

2年前，我哋偷转机时间，闪游伦敦8小时，话晒系M佬第一次去英国，除咗去大笨钟之外，最重要就梗系要食Fish and Chips啦！但自从𠮶次之后，我同M佬有食过薯条，但就好似再无食过炸鱼。今日回顾番当年嘅旅程，不如顺便回味当年嘅味道啦！去英国又未免太远，一于去住观塘嘅Fish & Chick Plus顶住档先啦！炸蟹肉球沙律：蟹肉球炸到脆卜卜，咬落去食到丝丝蟹肉，炸皮唔厚，感觉特别；至于沙律菜够晒新鲜。蘑菇汤：蘑菇味浓郁，最紧要入口够滑，好味道。白酒汁煮鲜蚬：粒粒蚬都好大粒，好丰满，仲要索晒啲白酒汁，微辣但好鲜味。传统英式炸鱼配薯条-石头鱼：炸石头鱼又厚又大件，真系成只手掌咁大呀！肉质扎实又唔嚡口，炸皮香口松脆，无雪味，而最重要系一啲都唔腥。而个tartar sauce同个鱼够晒match！至于薯条够晒长又够粗，自己落少少盐调味，薯味浓郁！自家制龙虾汁大虾长通粉：原只大虾又新鲜又弹牙，而长通粉嘅软硬度啱啱好，唔硬又有弹性，索晒啲浓郁嘅龙虾汁，好好味。