影片
更多
2024-09-08
357 浏览
放假Bu又带我去食好野✌🏻今次去尖沙咀嘅「大同会所」食私房菜，大同主打怀旧经典粤菜，亦都系广州大同酒家嘅家族主理，店内私隐度极高，有几间大房啱晒一家人或者一大班朋友一齐享受一顿高质晚餐👍🏻店员会先送上自家制咸酸菜同花生开开胃，咸酸菜够爽脆酸酸甜甜，花生亦都系即炒，香脆可口，令人食唔停口😋燕窝鹧鸪粥即矜贵又养生嘅鹧鸪粥，加入鹧鸪肉，金华火腿同燕窝，燕窝嘅份量确实足料，汤底味道鲜味浓郁，配上金华火腿令鲜味更加提升大虾多士推介👍🏻酥脆金黄嘅大虾多士以虾仁同猪肉打成虾胶，放上面包再加入原只鲜虾去炸，咬落去外面脆卜卜里面弹牙爽口，多重口感享受陈年卤水红椒乳鸽必食推介👍🏻用新鲜乳鸽口感果然不同，皮脆肉嫩，再配上店家祖传嘅陈年卤水汁，卤水汁经过长年烹调味道特别浓稠，香甜而不腻虾子扒节瓜经改良过嘅菜式👉🏻虾子扒柚皮，由于近年柚皮嘅味道会带点苦涩，所以主厨就将佢改为节瓜，节瓜清甜多汁而软稔，配上鲜味咸香嘅虾子同虾米令节瓜吸满汤汁嘅精华蜜汁火方方包上印有「大同」字眼😆用上肥瘦适中嘅金华火腿以冰糖烹调加上酸酸甜甜嘅菠萝可以大大减低油腻感，火腿色泽红润，油香鲜味，令人回味嘅菜式咖喱牛腩呢碟𩠌真系令我想食多两碗
店员会先送上自家制咸酸菜同花生开开胃，咸酸菜够爽脆酸酸甜甜，花生亦都系即炒，香脆可口，令人食唔停口😋
燕窝鹧鸪粥
即矜贵又养生嘅鹧鸪粥，加入鹧鸪肉，金华火腿同燕窝，燕窝嘅份量确实足料，汤底味道鲜味浓郁，配上金华火腿令鲜味更加提升
大虾多士
推介👍🏻酥脆金黄嘅大虾多士以虾仁同猪肉打成虾胶，放上面包再加入原只鲜虾去炸，咬落去外面脆卜卜里面弹牙爽口，多重口感享受
陈年卤水红椒乳鸽
必食推介👍🏻用新鲜乳鸽口感果然不同，皮脆肉嫩，再配上店家祖传嘅陈年卤水汁，卤水汁经过长年烹调味道特别浓稠，香甜而不腻
虾子扒节瓜
经改良过嘅菜式👉🏻虾子扒柚皮，由于近年柚皮嘅味道会带点苦涩，所以主厨就将佢改为节瓜，节瓜清甜多汁而软稔，配上鲜味咸香嘅虾子同虾米令节瓜吸满汤汁嘅精华
蜜汁火方
方包上印有「大同」字眼😆用上肥瘦适中嘅金华火腿以冰糖烹调加上酸酸甜甜嘅菠萝可以大大减低油腻感，火腿色泽红润，油香鲜味，令人回味嘅菜式
咖喱牛腩
呢碟𩠌真系令我想食多两碗饭🤣咖喱汁非常浓郁，牛腩肉味浓而且又软又腍，配上粉腍嘅薯仔同洋葱绝对系一个送饭一流嘅菜式
大同蜜汁叉烧
上枱时已经非常吸引，热气腾腾，半肥瘦叉烧微微㶶边，色泽光亮裹满蜜汁，入口先带有一阵焦香味，口感松化而富有肉汁，高质而出色的广东名菜
荷叶饭
每一粒米饭上都带有荷叶嘅清香，加上冬菇、腊肠同腊肉令荷叶饭增添一份独特嘅肉香，绵密软熟嘅米饭充分渗透食材嘅香味，令人回味无穷
蟹油捞面
超邪恶嘅蟹油捞面🤩以鲜蟹加上辣椒香葱去爆炒逼出鲜味嘅蟹油，捞入弹牙嘅幼面之中，入口香辣鲜浓，就算食到几饱都好都抵挡唔到呢碗面嘅诱惑😋
二十年陈皮红豆沙
红豆已煲到起晒沙，入口绵密香甜，加上二十年年嘅陈皮令红豆沙增添一份果皮香味，甜度亦啱啱好👍🏻成餐饭都好满足，必定会再访嘅私房菜😋
📍大同私房菜会所 (尖沙咀)
尖沙咀广东道120号海威商业中心6楼
人均消费：$1000
食物：⭐️⭐️⭐️⭐️⭐️
环境：⭐️⭐️⭐️⭐️⭐️
服务：⭐️⭐️⭐️⭐️⭐️
回头率：⭐️⭐️⭐️⭐️⭐️
张贴
