小房子 (已搬遷) 新店位置

久久不見嘅大同，幾個女仔圍埋咩都8卦下講下，所以搵左個想試好而嘅地方去試下。主食只得一種嘅關係，我地係每人食左一個三文魚茶漬飯餐，當中包左一個日式蒸蛋以及一款小食。再之後每人一杯野飲。最後叫左兩個甜品一齊share。三文魚茶漬飯味道好淡，好清，而且分量都幾少，三文魚碎亦不夠新鮮三文魚有鮮味，味道一般。但個蒸蛋同小食有驚喜。蒸蛋夠多料，而且有放豬肉粒，令到味道夠。小食我選擇左芥辣八爪魚，真係幾辣下，但切到細細粒咬落爽口，幾好幾好。甜品叫左個雪山火山同招牌櫻花果凍。坦白講，我覺得雪山好食過個果凍。雪山起碼有酒釀蘋果，味道幾好，但果凍真係得個樣....味道好淡，不加黑糖其實真係無咩味。如果有機會再去，只係飲下野，坐下傾下計，幾好嘅。但食晚市就真係太貴喇。返食指數: 3粒星 (最高5粒)。