大同韓燒 (已結業)

陪老妈子去大角咀大同新邨探舅父，之后佢带我地去佢屋企附近一间大同韩烧食自助餐，话地方和座位好寛阔；环境幽静，食物干净同好味，需然系韩烧但一啲烟都无，一于要去见识下啦！占有几个铺位阔;入到去感觉舒适，灯光柔和同布置简单，最特别系烧烤炉吸烟管系藏喺地下；油烟简直全绝迹。饮品柜有多种饮料可随意饮用; (有酒精饮品除外)另有多瓶自家制嘅梅酒。沙津生菜够新鲜。有浓郁中、西汤和滋润糖水。最开心系有我自爱嘅三文鱼，肥美鲜甜。生食物有带子、鲭鱼、各种肉类同瓜菜类，数之不尽。各种肉类都腌得入味，人口淋嫩。熟食琳琅满目;有大豆芽菜、菠菜、秘制凤爪、海带、豆卜、薯仔和螺肉等等。师傅够细心将橙同菠萝已去皮;切好方便入口。饭后甜品有芒果同奶茶布甸。呢餐的确系好丰富，仲食完全身都冇油烟味👏🏻。