影片
更多
2010-08-16
31 浏览
5月20日, 一路以黎我地都讲咗好耐要食呢间汉堡包小店, 今晚终于有时间黎北角一尝~ 除咗汉堡包之外我地仲好想试下佢地嘅fish & chips, 咁啱openrice仲有张$1 嘅poutine coupon添, 一次过可以满足我地多个愿望~::: Mushroom Burger ::: $49睇个包虽然唔算系好大个, 不过材料非常丰富! 首先非常多蘑菇汁蘑菇粒, 直情流晒出黎, 所以根本冇乜可能好干净咁拎起个包食, 一定会食到成手都系!! 一口咬落去, 蘑菇味好香浓, 加上块差唔多成吋厚嘅汉堡扒, 味道十分丰富~ 汉堡扒好juicy, 一咬d汁流到叭叭声, 而肉汁又渗返入去个汉堡包度, 真系连肉汁都冇晒到~ 2个人share可能会觉得唔够食, 不过呢个Mushroom Burger真系唔错, 不过真系会食得“论尽”D~::: Poutine ::: $1Openrice $1换Poutine 嘅coupon真系够晒抵~ Poutine黎到嘅时候非常香, 唔单止有薯条炸起𠮶种香, 仲加埋芝士肉汁嘅香味添~ 薯条本身薯味唔够, 不过加上肉汁嘅味道就变得又香又惹味~ 一定要衬热食, 先可
::: Mushroom Burger ::: $49
睇个包虽然唔算系好大个, 不过材料非常丰富! 首先非常多蘑菇汁蘑菇粒, 直情流晒出黎, 所以根本冇乜可能好干净咁拎起个包食, 一定会食到成手都系!! 一口咬落去, 蘑菇味好香浓, 加上块差唔多成吋厚嘅汉堡扒, 味道十分丰富~ 汉堡扒好juicy, 一咬d汁流到叭叭声, 而肉汁又渗返入去个汉堡包度, 真系连肉汁都冇晒到~ 2个人share可能会觉得唔够食, 不过呢个Mushroom Burger真系唔错, 不过真系会食得“论尽”D~
::: Poutine ::: $1
Openrice $1换Poutine 嘅coupon真系够晒抵~ Poutine黎到嘅时候非常香, 唔单止有薯条炸起𠮶种香, 仲加埋芝士肉汁嘅香味添~ 薯条本身薯味唔够, 不过加上肉汁嘅味道就变得又香又惹味~ 一定要衬热食, 先可以食到芝士溶溶漏漏𠮶只质地, 一冻咗中间多芝士肉汁𠮶D薯条就变晒一pat pat~
::: Beer Battered Fish Fillet ::: $56
去完英国之后, 都未有机会喺香港食fish & chips~ 今次睇咗d食评都有赞佢, 咁我地当然都要食啦~ 不过失望居多, 唔系话佢整得唔好食, 咁嘅环境之下味道算ok架喇, 但系咁嘅价钱喺英国已经食到一大块鱼扒, 佢地只系俾3条鱼手指, 有d孤寒wor. 一咬d鱼肉都几散, 唔系话唔新鲜, 但系鲜味被冷藏味掩盖咗. 炸粉可能都系一齐冷藏, 个炸粉皮好硬, 呢个就食得出佢唔新鲜… 可能喺英国食过好好味嘅 fish & chips, 而家食唔落呢d冷藏野...
::: Peach Smoothies ::: $25
因为落咗好多冰都几够冻, 不过我嫌peach味唔够, 而且个texture虽然好thick, 但奶味比d冰沟淡晒, 搞到杯野得个油字. 麻麻地…
地点比较揾咗D, 话就话喺商场, 但系门口就要由街出面入去. 里面都叫做坐得舒服, 坐喺窗口位都有少少外国feel嘅~ 有个好处喺佢有个洗手盘𠮶店里面, 好方便D人食包食到成手都系可以洗手, 要一赞! 喺北角想食特色burger都可以黎食, 不过就唔好食 fish & chips喇…
张贴
