影片
更多
2021-09-29
742 浏览
同老公一齐左就快七年，发觉原来咁多年黎都未试过一齐锯扒😅因为我地两个本身都偏爱中菜。难得本来唔多食牛肉既我，今日突然好想大大啖食牛肉，所以放工就去左呢间旧式港味扒房叹返个铁板餐。原来打算食其他贵少少既西餐厅，但咁random食一餐又废事破费。见到OpenRice呢度个红汤咁足料，牛扒好评又多，虽然餐厅似花园扒王咁麻甩左少少，但平有平食，都应该绝对够我过下口瘾既！于是二话不说，放工就过左来。大概七点左右到(平日)，餐厅一半满座，唔洗等位。餐厅格局似茶记，有卡位。装修虽然旧，但都算打扫得干净，属可接受范围。餐牌: 第一次食，就梗系食返招牌铁板餐。本身谂住拣大过块面既T骨，但竟然卖哂🙁所以最后都系拣左一份牛仔骨同一份牛柳，两个餐都配黑椒汁。前菜: 罗宋汤加餐包餐包唔多讲，都系standard 野，大x乐同款。不过餐包上既时候系微热既。罗宋汤就真系如其他食评所说一样咁足料！好多椰菜同蕃茄，入边仲有起码四旧牛肉。虽然牛肉唔系好嫩，不过我觉得有肉已经算系好足料，对于保汤既肉我要求唔高，食唔食都冇所谓。而汤嘅蕃茄味就真系好浓。虽然饮得出系茄汁同茄膏嘅味，不过其实罗宋汤个做法就系咁，唔通真系揾一吨蕃茄
原来打算食其他贵少少既西餐厅，但咁random食一餐又废事破费。见到OpenRice呢度个红汤咁足料，牛扒好评又多，虽然餐厅似花园扒王咁麻甩左少少，但平有平食，都应该绝对够我过下口瘾既！
于是二话不说，放工就过左来。大概七点左右到(平日)，餐厅一半满座，唔洗等位。餐厅格局似茶记，有卡位。装修虽然旧，但都算打扫得干净，属可接受范围。
餐牌: 第一次食，就梗系食返招牌铁板餐。本身谂住拣大过块面既T骨，但竟然卖哂🙁所以最后都系拣左一份牛仔骨同一份牛柳，两个餐都配黑椒汁。
前菜: 罗宋汤加餐包
餐包唔多讲，都系standard 野，大x乐同款。不过餐包上既时候系微热既。罗宋汤就真系如其他食评所说一样咁足料！好多椰菜同蕃茄，入边仲有起码四旧牛肉。虽然牛肉唔系好嫩，不过我觉得有肉已经算系好足料，对于保汤既肉我要求唔高，食唔食都冇所谓。而汤嘅蕃茄味就真系好浓。虽然饮得出系茄汁同茄膏嘅味，不过其实罗宋汤个做法就系咁，唔通真系揾一吨蕃茄煲个汤俾你饮咩😂所以整体来讲个汤真系做得几出色，而且唔会太酸，好开胃。
罗宋汤
32 浏览
0 赞好
0 留言
主菜: 牛仔骨铁板餐 & 牛柳铁板餐
食之前我真系有认真做过research🤣因为唔食得生野既关系，所以研究左一阵牛既唔同部位边个位全熟唔会”鞋”。结论系t骨同牛仔骨既脂肪比例最高，所以well done加上铁板既热力都应该唔怕老。最后我系叫左全熟牛仔骨，之后老公就叫左7成熟既牛柳。
叫完牛仔骨之后真系觉得呢个选择系超正确😆😆因为我真系好中意牛肉既脂肪味。牛仔骨总共有三大块，每块都有两到三旧骨，而且最底仲有一块系全肉!!!!就算全熟都唔韧，配埋黑椒汁真系好好食。虽然唔系咩精致既料理，但真系满足到我大啖食肉既欲望！有时真系呢啲平民既美食先可以简单同粗暴咁satisfy到肚饿既我🤣唔洗下下好似食高级西餐就住就住咁食！
另外牛柳其实我都试左一啖，其实真系几淋，但脂肪味就唔重(肉质本身脂肪比例低)。不过叫七成熟，就算系有铁板加热既情况下，其实去到最入面都几raw下，接受唔到既人不如叫全熟算🤣
另外配菜真系比较少，薯条唔脆，但薯条加黑椒汁🥲🥲散发住浓浓既脂肪味道，系好食，但我都唔敢多食🤣所以佢得咁少系好事黎。
牛仔骨铁板餐
44 浏览
0 赞好
0 留言
牛柳铁板餐
49 浏览
0 赞好
0 留言
饮品: 叫左红豆冰同冻参蜜，红豆冰椰奶好多，参蜜就好甜🥲🥲不过不失
红豆冰 冻参蜜
29 浏览
0 赞好
0 留言
甜品: 2拣1, 青柠啫喱加花奶 or 雪米糍
雪米糍系云呢嗱味，冇特别。而青柠味啫喱就有啲梗，入面仲好似有啲菠萝肉。加花奶个口味有啲特别，未必人人食得惯😂反正佢唔系主角又系跟餐送既，试下味就算🤣
花奶青柠啫喱 雪米糍
22 浏览
0 赞好
0 留言
总括黎讲，港式平价扒房，得闲食下过下瘾都唔错，汤同主菜同价钱完全成正比~甜品饮品就将就下啦🤣🤣呢度真系岩哂啲食肉兽想平平地大啖食肉，好过去连锁快餐店😜
Price: Dinner($280/ 2pax.)
张贴
