影片
2013-07-10
947 浏览
以前曾光顾大喜屋不下5次，每次都饮饱食醉尽兴而归，谁知事隔一两年，再返黎回味所得到的竟然系「完。全。中。伏」的不愉快回忆！ 1) 中环大喜屋地方细众所周知，但我完全冇想象过俾$5XX两位，系坐升降机前面的一张折枱度食...大喜屋以前lift一出转左就系reception, 前面有个俾人等位的小lobby。而家佢架lift封左唔俾人上，小lobby间埋做餐厅一部份，枱同枱之间的距离...正常人系侧埋身都入唔到的，小妹我出入都要麻烦隔离枱起身让路，非常不便。基本上连细声对话隔离都听到，我地当日仲要有班坐12人枱的学生嘈到拆天，耳仔受罪。嗯，你地冇眼花，一个冇200呎的lobby位，坐左一张12人枱、一张3人枱、同起码两张2人枱!!!侍应自己传菜都行唔到埋某D枱!!! 仲要lobby位冷气不足，结果要order大量冰冻汽水降温。 2) 食物质素直线下降-刺身唔得，带子无味、吞拿鱼有渣、甜虾是霉的，同以往水准相差甚远。-记忆中天妇罗系做得唔错的，但今次...4件炸物的油已染满整张垫底纸，分明晾都冇晾下D油就上碟。夹起黎D油当然跟住滴，炸粉厚过只虾、冬菇油淋淋，见到都冇胃口。-芝士焗蚝白汁味道还
以前曾光顾大喜屋不下5次，每次都饮饱食醉尽兴而归，谁知事隔一两年，再返黎回味所得到的竟然系「完。全。中。伏」的不愉快回忆！
1) 中环大喜屋地方细众所周知，但我完全冇想象过俾$5XX两位，系坐升降机前面的一张折枱度食...
大喜屋以前lift一出转左就系reception, 前面有个俾人等位的小lobby。而家佢架lift封左唔俾人上，小lobby间埋做餐厅一部份，枱同枱之间的距离...正常人系侧埋身都入唔到的，小妹我出入都要麻烦隔离枱起身让路，非常不便。
基本上连细声对话隔离都听到，我地当日仲要有班坐12人枱的学生嘈到拆天，耳仔受罪。
嗯，你地冇眼花，一个冇200呎的lobby位，坐左一张12人枱、一张3人枱、同起码两张2人枱!!!侍应自己传菜都行唔到埋某D枱!!! 仲要lobby位冷气不足，结果要order大量冰冻汽水降温。
2) 食物质素直线下降
-刺身唔得，带子无味、吞拿鱼有渣、甜虾是霉的，同以往水准相差甚远。
-记忆中天妇罗系做得唔错的，但今次...4件炸物的油已染满整张垫底纸，分明晾都冇晾下D油就上碟。夹起黎D油当然跟住滴，炸粉厚过只虾、冬菇油淋淋，见到都冇胃口。
-芝士焗蚝白汁味道还算ok但偏咸，只蚝焗完之后细到我见佢唔到。
-烧物还可接受，羊架ok。
基本上order左一转已经完全冇心机食，又热又迫又扫兴，价钱与质素服务完全成反比。人迫到完全冇意欲举机拍照，也不可能对住其他食客影环境，所以无法提供照片，希望不会因此而不被登出。
题外话/补充资料：
由于门口for等人的lobby位已消失，等入坐的位置移至另一边lift口，唔知系咪太多人，reception姐姐叫人企一边等时个面劲黑。
(以上食记乃用户个人意见 , 并不代表OpenRice之观点。)
张贴