影片
更多
2011-03-28
58 浏览
其实食左呢到好耐了。韩国菜大部份人都一定食过，而且近来韩风流行，好多人都会去认识韩国的文化，可是大部份人都觉得只有韩烧、泡菜同石头饭，从没留意过其他食物，其实系有好多款式，并且味道都好好味，例如：煎葱饼、水冷面同前菜等等。基本上每一间主理韩国菜既食店，一坐低都会奉上数碟至十数碟既前菜，款式包罗万有，蔬菜肉类样样都有些。这里会供应七碟前菜，有菠菜、粉丝、茄子、鱼饼、鱼仔、薯仔同唔少得既泡菜，最欣赏系个个薯仔，味道浓郁，咸咸地，好似薯仔炆鸡翼既味道。另外，个样貌似鱼饼的那个前菜，咬落感觉好得意，烟烟靱靱。那些银鱼仔居然一D腥味都无，干干爽爽又甜甜地。总共叫了三样野，有一个面、一个葱饼同一个烧牛肋骨肉。辛拉面其实就系大家系屋企煮既辛辣面之类既食物，公仔面底既拉面，本来谂住汤底好好，点知真系期望越大，失望越大，这个实在太普通，分分钟屋企煮的更加好，食左一半无食了。海鲜煎葱饼，呢个劲好味，材料极多，每一块都有好多材料在内，而且煎得非常香口，沾上特制辣汁，更加美味，食到停唔到口。主角出场啦，系铁板上既烧牛肋骨肉，虽然呢到系烧完先上枱，少左一份可以自己烧既乐趣，可是起码火喉控制一定比我们更好，肉质鲜
韩国菜大部份人都一定食过，而且近来韩风流行，好多人都会去认识韩国的文化，可是大部份人都觉得只有韩烧、泡菜同石头饭，从没留意过其他食物，其实系有好多款式，并且味道都好好味，例如：煎葱饼、水冷面同前菜等等。基本上每一间主理韩国菜既食店，一坐低都会奉上数碟至十数碟既前菜，款式包罗万有，蔬菜肉类样样都有些。
这里会供应七碟前菜，有菠菜、粉丝、茄子、鱼饼、鱼仔、薯仔同唔少得既泡菜，最欣赏系个个薯仔，味道浓郁，咸咸地，好似薯仔炆鸡翼既味道。另外，个样貌似鱼饼的那个前菜，咬落感觉好得意，烟烟靱靱。那些银鱼仔居然一D腥味都无，干干爽爽又甜甜地。
总共叫了三样野，有一个面、一个葱饼同一个烧牛肋骨肉。辛拉面其实就系大家系屋企煮既辛辣面之类既食物，公仔面底既拉面，本来谂住汤底好好，点知真系期望越大，失望越大，这个实在太普通，分分钟屋企煮的更加好，食左一半无食了。
海鲜煎葱饼，呢个劲好味，材料极多，每一块都有好多材料在内，而且煎得非常香口，沾上特制辣汁，更加美味，食到停唔到口。
主角出场啦，系铁板上既烧牛肋骨肉，虽然呢到系烧完先上枱，少左一份可以自己烧既乐趣，可是起码火喉控制一定比我们更好，肉质鲜嫩，唔会靱到咬唔开，而且肉汁丰富，沾上烤肉酱，外面包上附送既生菜，既美味，又无咁热气，非常好，食完仲有少少冲动想Encore多一碟，可是已经饱了。
店舖细细，没有想到会如此多人，环观四围，清一色韩国人，差不多每枱都有一个大锅，旁边两个大叔食紧泡菜牛肠锅，劲吸引，香味不断蔓延过黎，真想行去食佢几旧，配上啤酒一定更加好。这里是正宗韩国人主理，唔太识广东话，最好都系用英语or 号数点菜，价钱属中价，可是质素却是上乘。有机会一定要黎试下个冷面，听讲好多人都话好正宗，好好味。
更多资料：http://hk.myblog.yahoo.com/zysk-c/article?mid=1269
张贴
