台灣麵

营业中

休息中

今晚去咗台湾面食饭，我哋两个人，分别叫咗两个套餐，朋友叫咗双格套餐，自己就叫咗红烧牛肉新竹米粉。先讲朋友既，即系一个碗分咗两格，自由组合两种口味，都几好唔使咁单一，朋友㨂咗红烧牛肉饭并炸菜肉丝新竹米粉，两者都几入味，但系个碗似乎太细，放牛肉饭还可以，但放汤米粉𠮶格，就真系窄咗少少，D汤好快比米粉吸晒，食汤粉最怕唔够汤，而且个碗中间位置仲崩咗一大忽，即时扣分。轮到我𠮶个红烧牛肉新竹米粉，米粉幼滑，汤底够味，撚手嘅牛肉当然好味，份量唔少，而且件件都好大嚿，筋肉相隔嘅牛肉，口感唔错，软硬刚好，但食到最后𠮶两嚿，居然咬唔入口，实在好硬。其实，成碗面都好好味，就系唔知点解要搭两嚿咁失分嘅牛肉。不过，跟住饮番杯冰冻乌梅绿茶，解渴顺喉，即时爽晒。