在家居酒屋 (已結業)

以前有帮衬开呢间餐厅，不过近排少咗，过咗一排无帮衬，员工有新面孔，餐厅装修就一样，都算坐得舒服，员工态度一般，正常。但系食物就吓亲我，我叫咗串烧定食，估唔到烧到咁㶶，多处焦黑色。竟然厨师觉得无问题，上菜员工见到都唔觉得有问题，系有啲失望。咁先食咗啲无㶶，后来叫员工帮手剪咗啲㶶嘅先再食，点知剪紧嘅时候，另有员工想收走我果半碗饭。新年留留真唔好彩，遇上咁多失误。而友人嘅丼饭就正常水准好食。希望餐厅会留意呢啲意外失误，有所改进能好好保持水准。