囍慶酒家

营业中

休息中

点解我话佢系大围嘅西贡？因为佢好多海鲜食。无论系味道定系口感，呢间酒楼嘅海鲜拍得仕西贡嘅质素，环境同埋份量仲要系更加好添！见到好多人都食呢间嘅海鲜，我地两个人决定叫咗佢嘅海鲜八道菜。份量多得惊人！首先有个乳鸽，烧得非常嫩口，皮脆内嫩，又好大只，加埋d盐一齐食，非常滋味。 仲有个清蒸鲍鱼，蒸得妳好友，加埋啲葱嚟食好好味，而且佢蒸嘅时间啱啱好，一d都唔韧，好有咬口。个贵妃蚌连蒜蓉食好好味，粉丝都蒸到好入味！ 蒜蓉炒虾真系一流，有好香嘅黑椒味，仲有佢好弹牙，又好大只， 虾觳都好香，好想食埋佢。个花蛤都整得好好，配埋鼓汁令到佢好香口，佢都好大只，食落去淡淡肉。龙虾好多肉，充满龙虾鲜味！虽然唔系蒸石斑，但系有意想不到嘅鲜味，估唔到两个人都俾咁大条！餐厅服务质素非常好，成日都会问我地洗唔洗换碟，仲有送炒饭，椰青水同红豆沙，好抵食呀！