影片
更多
2023-04-20
36 浏览
好耐冇去过显径，估唔到周围都唔同晒，见到新开咗好多唔同嘅餐厅，今次决定去一间Cafe试吓。入到去都好满座，格调有啲轻水泥风同木制装修，俾人一种好舒服嘅感觉。红虾龙虾汁扁意粉好多人推荐，上台即刻知原因。虽然系小店，但系摆盘用心，媲美高级餐厅。先要赞意粉口感有嚼头，而味道唔会死咸，冇过多嘅酱汁但系鲜味四溢，尤其系龙虾嘅香气好突出，相信用料应该好足。另外红虾大大只，色泽洁白，肉质爽弹，抵赞。藏红花意大利饭配虫草花及软壳蟹意大利饭同样煮得刚刚好，有嚼劲但唔会俾人一种煮唔熟嘅感觉。呢款相对浓味少少，有种南瓜味道，而虫草花份量好多，提升左咬口嘅层次，至于炸软壳蟹冇过油嘅感觉，亦够大嚿，不错。沙律和餐汤沙律份量适中，配料都唔少，包括：烟三文鱼、柑橘、蕃茄仔、生菜等，用上沙律醋，轻盈冇负担，就算减肥中嘅人士都可以食用。而今次嘅餐汤系南瓜汤，食得出真材实料嘅南瓜蓉，配上好夹嘅粟米味，超级浓郁又稠，饮完都饱咗一半。饮品今次饮品拣咗两杯，分别系抹茶拿铁同菠萝热情果茶。前者完全系乳糖不耐症人士恩物，虽然转咗做豆奶，但口感保持好浓厚，抹茶味突出，面层泡沫细密，每一啖都系享受，推荐。至于水果茶，味道清新，唔会过甜
红虾龙虾汁扁意粉
好多人推荐，上台即刻知原因。虽然系小店，但系摆盘用心，媲美高级餐厅。先要赞意粉口感有嚼头，而味道唔会死咸，冇过多嘅酱汁但系鲜味四溢，尤其系龙虾嘅香气好突出，相信用料应该好足。另外红虾大大只，色泽洁白，肉质爽弹，抵赞。
藏红花意大利饭配虫草花及软壳蟹
意大利饭同样煮得刚刚好，有嚼劲但唔会俾人一种煮唔熟嘅感觉。呢款相对浓味少少，有种南瓜味道，而虫草花份量好多，提升左咬口嘅层次，至于炸软壳蟹冇过油嘅感觉，亦够大嚿，不错。
沙律和餐汤
沙律份量适中，配料都唔少，包括：烟三文鱼、柑橘、蕃茄仔、生菜等，用上沙律醋，轻盈冇负担，就算减肥中嘅人士都可以食用。而今次嘅餐汤系南瓜汤，食得出真材实料嘅南瓜蓉，配上好夹嘅粟米味，超级浓郁又稠，饮完都饱咗一半。
饮品
今次饮品拣咗两杯，分别系抹茶拿铁同菠萝热情果茶。前者完全系乳糖不耐症人士恩物，虽然转咗做豆奶，但口感保持好浓厚，抹茶味突出，面层泡沫细密，每一啖都系享受，推荐。至于水果茶，味道清新，唔会过甜，善用咗水果原有嘅甜度，果味芳香怡人，大大杯几抵饮。
张贴
