影片
更多
2014-10-15
2938 浏览
其实好难得可以返大围同妈咪饮茶，多数要系沙田做野先可以返到嚟，因此，为左庆祝我呢个机缘巧合嘅机会，我同妈咪讲一定要嚟斗记贺一贺佢。现场所见....门口车都无架，真系好少见! 不过其实呢度都难揾位，等位等劲耐，今次等左十分钟叫少~有时人多，我拎左张飞返屋企HEA半个钟都未到我.....由于婆婆其实几钟意呢度嘅萝白糕，因为粉同萝白比例差唔多，而且煎得几香~ 美中不足系，我个人认为食野要配一个合适嘅酱先好食，而佢呢度只系提供辣油而无辣椒酱就有啲失色~不过，镜头一转，呢笼香芹潮粉果配辣油就出色勒! 热气腾腾上碟，点心应该有如此水评。呢度嘅煎糯米鸡真系好好食，煎得香，夹起上嚟唔会散开里面啲馅亦非常足料，不过特点呢就有啲贵。由于较早前写过另一篇同区嘅明星酒家嘅姜葱牛柏叶，系比较之下，呢碟姜葱牛柏叶就叫做得好，起码真系有姜葱味，牛柏叶唔会大旧到会哽死人，底下有啲白萝白垫底，大点嚟讲，其实可以再俾多少少。而咖喱蒸土鱿嘅咖喱味就有啲特别，唔系单单系巿面普通嘅咖喱，而系好浓香料味嘅咖喱，似印度咖喱，土鱿唔韧好爽口，呢碟野看似平凡，但煮o既人系见到用过心机。妈咪叫我一定要赞下呢度嘅辣油，好香好多渣~ 其他酒
现场所见....门口车都无架，真系好少见! 不过其实呢度都难揾位，等位等劲耐，今次等左十分钟叫少~有时人多，我拎左张飞返屋企HEA半个钟都未到我.....
由于婆婆其实几钟意呢度嘅萝白糕，因为粉同萝白比例差唔多，而且煎得几香~ 美中不足系，我个人认为食野要配一个合适嘅酱先好食，而佢呢度只系提供辣油而无辣椒酱就有啲失色~
不过，镜头一转，呢笼香芹潮粉果配辣油就出色勒! 热气腾腾上碟，点心应该有如此水评。
呢度嘅煎糯米鸡真系好好食，煎得香，夹起上嚟唔会散开
里面啲馅亦非常足料，不过特点呢就有啲贵。
由于较早前写过另一篇同区嘅明星酒家嘅姜葱牛柏叶，系比较之下，呢碟姜葱牛柏叶就叫做得好，起码真系有姜葱味，牛柏叶唔会大旧到会哽死人，底下有啲白萝白垫底，大点嚟讲，其实可以再俾多少少。
而咖喱蒸土鱿嘅咖喱味就有啲特别，唔系单单系巿面普通嘅咖喱，而系好浓香料味嘅咖喱，似印度咖喱，土鱿唔韧好爽口，呢碟野看似平凡，但煮o既人系见到用过心机。
妈咪叫我一定要赞下呢度嘅辣油，好香好多渣~ 其他酒楼都未必俾到~ (梗系啦~呢度米芝莲一星食府嚟架! )
不过呢笼后加嘅上汤小笼包就好流..... 净系睇个醋无姜丝，我就知佢系敷衍食客!
个皮好厚好硬，一啲都唔软熟，已经好扣分，仲要旧肉咁鬼大旧，完全无空间俾个小笼包抖气，上汤只占整个小笼包1/4，真系唔好食。
大围区嚟讲，斗记饮茶真系几贵，因为闲闲地4个人都2xx
题外话/补充资料：
最近佢地搞紧membership 推广，免费申请做会员，1蚊1分，满400即送樽负离子水~ 仲有其他野送~
(以上食记乃用户个人意见 , 并不代表OpenRice之观点。)
张贴
