影片
更多
2022-03-30
262 浏览
今日带大家黎大围扫街！街坊朋友半年前推荐嘅老字号——华辉小食，小编终于舍得去食了，食左两淡后第一个反应系，果然系大围名物！🌟甫度步就见店外有颇多人等外卖，加上制作食物需时，我地等左大概15分钟先take到away，以为终于走得，点知收银姨姨系手忙脚乱下比错饭送我地，原本我地个盒又比另一位客人拎走左，无奈地又要等佢重新煮过，服务质素方面小失望。💁🏻♀️手撕鸡饭(中辣) $45一打开饭盒就见到铺满白芝麻嘅金黄色手撕鸡，扑鼻而来嘅麻油同辣油令人垂涎三尺，食指大动。对食开谭仔三哥中辣嘅小编而言，华辉嘅中辣真系难以驾驭，食左1/4已经流晒鼻水，但又辣得好过瘾。如果三个嘅中辣系辣到痺，华辉嘅中辣简直系辣到跳舞。幸好饭嘅份量够多，同有甜嘅罐装饮品坐镇，辣味好快退。另外大部分手撕鸡肉质鲜嫩，辣味唔会盖过鸡味，且份量多。整体而言，有挑战性得黎又几惹味，中意食辣嘅朋友可以试下！💁🏻♀️香辣鸡翼尖(中辣) $25冷冰冰嘅鸡翼尖，配上辣到喷火嘅辣椒油，冰火二重奏，几刺激。虽然冰感已减轻了辣味带来嘅麻痹感，但食左几只就感受到熊熊烈火直逼喉咙，所以要不断地食下停下再食。鸡翼尖颇大只，肉质饱满。相较于热嘅鸡翼尖，
今日带大家黎大围扫街！街坊朋友半年前推荐嘅老字号——华辉小食，小编终于舍得去食了，食左两淡后第一个反应系，果然系大围名物！
🌟甫度步就见店外有颇多人等外卖，加上制作食物需时，我地等左大概15分钟先take到away，以为终于走得，点知收银姨姨系手忙脚乱下比错饭送我地，原本我地个盒又比另一位客人拎走左，无奈地又要等佢重新煮过，服务质素方面小失望。
💁🏻♀️手撕鸡饭(中辣) $45
一打开饭盒就见到铺满白芝麻嘅金黄色手撕鸡，扑鼻而来嘅麻油同辣油令人垂涎三尺，食指大动。对食开谭仔三哥中辣嘅小编而言，华辉嘅中辣真系难以驾驭，食左1/4已经流晒鼻水，但又辣得好过瘾。如果三个嘅中辣系辣到痺，华辉嘅中辣简直系辣到跳舞。幸好饭嘅份量够多，同有甜嘅罐装饮品坐镇，辣味好快退。另外大部分手撕鸡肉质鲜嫩，辣味唔会盖过鸡味，且份量多。整体而言，有挑战性得黎又几惹味，中意食辣嘅朋友可以试下！
💁🏻♀️香辣鸡翼尖(中辣) $25
冷冰冰嘅鸡翼尖，配上辣到喷火嘅辣椒油，冰火二重奏，几刺激。虽然冰感已减轻了辣味带来嘅麻痹感，但食左几只就感受到熊熊烈火直逼喉咙，所以要不断地食下停下再食。鸡翼尖颇大只，肉质饱满。相较于热嘅鸡翼尖，冻嘅肉质更结实弹牙，口感更爽脆，有点惊喜。
💁🏻♀️混酱猪肠粉 $10
肠粉口感幼滑，且带有韧性，层与层间亦唔会黏埋一够，造工唔错。沾上甜酱、芝麻酱、辣酱(俗称混酱)食，滑溜感更上一层楼，令人食过不停。食完辣点食番啲甜点，更有解辣作用。
华辉小食不愧系大围扫街必食小店。虽然卖相普通，服务质素差，但味道特别，份量十足，食完大快朵颐，且价钱亦合理，退而求其次，整体而言都系值得推荐！
😍整体评分
味道：🌟🌟🌟🌟
价钱：🌟🌟🌟🌟🌟
环境：🌟🌟
服务态度：🌟🌟
instagrammable：🌟🌟
——————————————————————
华辉小食 (大围)
大围积福街积寿里4D号地舖
张贴
