名點 (已結業)

夜晚系宿见肚饿 宿入面又冇晒野食 跟住就同班FD出左去大围夜茶～我平时都系食开裕富小厨～ 不过今次去到又冇晒位 我地又饿到唔想等跟住行多一两条街 见到有间做"名点"既铺头 见佢装修得几新潮 就胆粗粗入左去试！呢间铺头地方唔算大 有少少逼 位都唔算多 坐得有D辛苦～见到佢个餐牌有D几特别既点心 我地4个人总共叫左16样野值得推介既系 "春风得意肠"！ 呢个点心个名已经好特别 我地抱住好奇既心情去嗌 点知又真系几惊喜！ 肠粉入面悦住左油炸鬼、炸菜、肉松咁，食落有D似炸两 但我觉得呢个好食好多HAHA 够晒特别～不过个红枣糕就麻麻地 唔系好够味～但其他整体都唔错 有几款特别名既菜式都好正！