譽豚博多拉麵屋 (已結業)

大围虽然多食肆，但系拉面店就唔多，有沾面嘅更加少！呢间系其中一间。味道正常。系公园隔离嘅呢间拉面店前身系龙亭，本身都系卖拉面。餐牌变化不大都系𠮶几样。沾面每日限量20碗，所以早d 嚟食好d，一般夜晚已经卖晒，之前6、7点行过想食沾面，嚟到都已经冇得食。今次lunch嚟就食到沾面。拣左「阴」，酱油豚骨沾面$75另外加左$8 有半粒溏心蛋，溏心做得几好。拣左面质硬、味道浓、有葱酱油豚骨汤底都几浓，入面有d 木耳同猪腩肉粒，而且有浓浓鲣鱼味，但系鲣鱼粉嘅粉粒比较粗糙，令汤底饮落有d 孩口。拉面暖暖地，质感爽口烟韧，捞埋落汤度味道唔错，可惜汤底偏咸冇乜猪骨味，整体感觉一般般。