木子居酒屋

营业中

休息中

走到大围积富街就俾呢间门口以日式感觉嘅木子居酒屋吸引住。入到餐厅彷佛去咗日本旅行，有吧枱有座位位置，就系居酒屋嘅感觉。店员好客有礼有，食物种类繁多。牛油果，三文鱼沙律三文鱼刺身选用油脂比较多嘅部位，食落整体味道都仍然系好清楚，应该系调教嘅沙律汁，而且我觉得最特别嘅系当中的炸萝卜丝，味道原来都几好。鲔鱼寿司拼盘一个拼盘有齐哂大拖罗，中拖罗同拖罗蓉太卷，拖罗无论系味道，油脂同新鲜道都系一等一，寿司饭黏度，醋量同味道都好均一同埋适宜。日式茶碗蒸食日本野必叫item, 口感绵滑，味道底味起有鲜味，上菜温度同熟度火喉都好完美。黄金芝士西京烧原理有啲似酒盗芝士，但用了西京烧嘅烹调方法，所以除咗芝士本身嘅浓味外，仲多左阵阵嘅日式和风嘅甜味。阿波尾鸡翼完整度十分高嘅烧鸡翼，唔好以为系好简单嘅烧鸡全翼，要烧成咁嘅口感系要好多技巧。首先外皮要烧得好脆，肉汁要完全保留。调味方面不温不火，惹味但保留到鸡味。日本宫崎肠食落嘅口感有啲似脆皮肠，但系肉汁比较多，而且多左一阵烧烤味好食好多，而肠身烧得香口而无㶶。